دقبايلي سيمو چاودنه کې لويه مرگ ژوبله رامنځته شوې

د قبايلي سيمو په باجوړ اېجنسۍ کې اوسېدونکي او د پاکستان امنيتي چارواکي وايي باور يې دادى چې يو توغندى له افغانستان نه د ورغلې يوې الوتکې له لوري پر يوه کور ورتوغول شوى دى.

افغان چارواکو دا خبره رد کړې او په افغانستان کې د امريکا يوه پوځي وياند وويل چې داسې رپورټ نشته چې گنې امريکايي ځواکونو دې په دغه سيمه کې عمليات کړي وي.

ددې اوونۍ په لومړيو کې پاکستان په وزيرستان کې د پولې له هغې خوا نه د ډزو له امله چې پکې اته تنه وژل شوي وو، د امريکا پر پوځ اعتراض کړى و.